Hernaniko koadrila ezberdinen arteko harremanak indartzeko eta herriari bizitasuna emateko helburuarekin antolatu dira aurten ere Olinpiadak, eta helburua beteta, atzo bukatu ziren. Ereñotzun San Antonioak direla aprobetxatuta, bertan jokatu zen finala. Azken proba honetan, herri kirolak egin zituzten. Giro ederrean ibili ziren probetan eta baita ondorengo bazkarian ere. Arratsaldean, amaiera ekitaldia egin zuten eta sariak banatu zituzten. Putreek eskuratu zuten lehenengo saria, ondoren Izenik pe taldeak eta hirugarren postuan geratu zen Nola leike. Horrez gain, publikoak Hernani Kani aukeratu zuen talde faborito eta kartoizko poligono bat jaso zuen. Taldeak bideo bat prestatua zuen eta hori ikusteko aukera ere izan zen. Bestalde, Salda badago eta Urumea kaga y mearen arteko desafioa egin zen. Arratsaldetik aurrera eguraldiak ez zuen lagundu, baina festak jarraitu egin zuen Ereñotzun. Laiotz taldearekin goizaldera arte izan zen parranda.
7 sagardo aukeran
Olinpiadak bukatu dira, baina San Antonioei gaurko eguna geratzen zaie oraindik. Eta ez da egitarau makala gaurko prestatu dutena. Goizean Diana izango da bailaran barrena eta ondoren, sagardo probaketa plazan. Zazpi sagardotegitako sagardoa izango da aukeran: Elutxeta, Iparragirre, Elorrabi, Otsua-Enea, Olaizola, Goiko-Lastola eta Larre-Gain.
Puntako5 bertsolari
Arratsaldean bertso jaialdia izango da. Punta-puntako bost bertsolarik girotuko dute plaza: Maialen Lujanbio, Agin Rezola, Sustrai Colina, Alaia Martin eta Andoni Egaña.
Bertso saioaren ostean, jaietako errifaren zozketa egingo da eta segidan, jaiei amaiera emango zaie suziriekin.
EGITARAUA:
08:30, Diana Hernaniko txistulariekin.
11:30, sagardo probaketa plazan, Ur Miak antolatuta.
18:30, bertso jaialdia, errifaren zozketa eta suziriak.
Elizkizunak San Antonio parrokian:
10:00, Meza Nagusia.