Maila guztietako estropadak gaur, Fermin Etxeberriaren omenez

ESTROPADA jokatuko da gaur Elorrabin, Fermin Etxe­berria zenaren omenez. Gi­puz­koako txapelketan lehiatu diren Hibaika, Tolosa, Za­rautz, Getaria eta Hernanik jokatuko dute estropada lehendabizi, infantil, kadete eta jubeniletan, neska zein mutilen mailetan. Ondoren, Hernaniko beteranoen eta Fortunakoen arteko lehia ikusgarria izango da. Eta azkenik, denboraldian zehar arraunean ikasten aritu diren alebin mailako neska-mutilen estropada jokatuko da. Memoriala goizeko 11:00etan hasiko da Elo­rrabin. Bukatuta, arraun elkarteko kideak, entrenatzaileak eta gurasoak bazkari eder baten bueltan elkartuko dira, Elur Txori elkartean.