Hernaniko pelotariek Herriarteko Txapelketako finalaurdenetako bueltako kanporaketa jokatuko dute gaur. Elgoibarren aurka jokatuko dute, han, 20:30etan. Hernaniarrek 3-0 irabazi zuten joaneko kanporaketa eta horrez gain 39 tantoko aldea dute.
Kadeteetan, arazorik gabe irabaztea espero
Kadeteetan Suharri Rodriguez ez da errekuperatu eta Iker Loiartek eta Hodei Noblek jokatuko dute berriz. Arazorik gabe irabaziko dutela espero da.
Jubeniletan, zalantzak
Josu Oiaga jubenilen entrenatzaileak baliteke aldaketaren bat egitea eta Jon Etxegoienek jokatzea. Bestela, Iñigo Urkizuk eta Aritz Murgiondok jokatuko dute eta aurreko partiduan Elgoibarreko atzelariak eskuetatik sufritu zuela ikusita, irabazteko aukera izan dezakete berriz.
Seniorretan, partidu
parekatua izan liteke
Seniorretan aldaketak izango dira eta Ioritz Arrietak eta Eneko Aizpitartek jokatuko dute. Elgoibarreko bikote titularrak jokatzen badu, norgehiagoka parekatua izango da. Bestela, ia seguru hernaniarrek irabaziko dute.