San Joan jaiak gainean dira eta urtero bezala, festen atarian Axeri Bila herri lasterketa izango da. Aurreko urteetan bezala, jendetsua izango dela aurreikusten da. Lasterketa nagusia 18:30etan abiatuko da eta aurretik, ume eta gaztetxoen txanda izango da. Mailaka banatuta, bost lasterketa antolatu dituzte: 17:40etan, Lehen Hezkuntzako 1go eta 2garren mailakoak; 17:50etan, Lehen Hezkuntzako 3garren eta 4garren mailakoak; 18:00etan, Lehen Hezkuntzako 5garren eta 6garren mailakoak; 18:10etan, DBHko 1go eta 2garren mailakoak; eta 18:30etan, DBHko 2garren eta 3garren mailakoak.
Izen ematea dohainik da eta dortsalak eskoletan ari dira banatzen. Dena dela, bihar ere banatuko dituzte lasterketa irteeran.
Helduek aurrez,
8 edo 10 euro
Lasterketa nagusia 18:30etan abiatuko da. Urbietan hasi eta Urbietan bukatuko da herrian zehar bi buelta eginda; guztira 9 km.
Izena eman nahi duenak www.kirolprobak.com helbidean eman behar du eta gaur da azken eguna. Txip horia dutenek 8 euro ordaindu behar dituzte eta txip txuria behar dutenek 10 euro. Bihar bertan ere izango da izena emateko aukera 15 euroan.
Sari ugari: elastikoak,
asteburu pasa, bazkariak...
Kategori bakoitzeko 3 aurrenekoei dagokien saria emango zaie eta horrez gain, partaide bakoitzak elastiko bana jasoko du, eta bale bana, Pelotadendan %10eko deskontuarekin. Bestalde, izena eman dutenen artean Hernani Bidaiak eskainita, bi lagunentzako asteburu pasa zozketatuko da eta bi lagunentzako afari edo bazkaria Fagollaga, Errioguarda, Zumitza, Zumardi, Gunea eta Arrobi jatetxeetan.