EUSKARA eta mendia uztartuko dituen barnetegia antolatu du AEKk. Ekainaren 30etik uztailaren 15era egingo dute, Euskal Herriaren mendebaldetik ekialdera. Bizkaia aldetik abiatuko dira eta Gorbeia, Anboto, Aizkorri, Aralar eta bestelako mendi ikusgarriak zeharkatuko dituzte; eta uztailaren 14an Nafarroako Hiru Erregeen Mahaiako tontorrean bukatuko dute, Euskal Herriko gailurrean hain zuzen. Barnetegiaren helburua da 16 egunetan euskeraz hitz egiteko aukera izatea. Horrekin batera, Euskal Herriko herri, leku bitxi eta ohiturak ezagutzea; eta azkenik, mendian ibiltzea gogoko duenak, opor bikainak pasatzeko aukera izatea. Barnetegiaren prezioa 473 eurokoa da. Informazio gehiagorako, edo izena emateko bi modu jarri dituzte: 630 148 159 edo ibiltaria @aek.org.