ENDIKA Barrenetxeak Etxabe IIa gainditzea izango du aurreneko jomuga, ekanairen 21an. Helburu bakarra izango du erremontista hernaniarrak, partiduz partidu irabazi, eta Banakako Txapelketa haundia jokatzea. Ez du bide erraza izango ordea. Beste hamahiru erremontistekin batera lehiatuko da, Kutxa Prebia izeneko torneoan, haundienen artean tarte bat egiteko asmoarekin. Joan den astean aurkeztu zuten Prebia Galarretan. Hamalau erremontistek hartuko dute parte, joan den urtean baino gutxiagok: Barrenetxea IV, Endika, Agirresarobe, Juaristi, Etxeberria IV, Olazar, Uterga, Oñatz, Aizpurua, Ion, Agirrezabala, Etxabe II, Matxin III eta Urtasun.
Lau multzotan, hasiera
Txapelketako aurreneko fasea lau multzotan banatuta ari dira jokatzen erremontistak. Larunbatean hasi zen Prebia, eta uztaila hasiera bitartean, jokatuko dira kanporaketak, multzoka. Aurreneko eta bigarren multzoetako bi erremontista onenek, elkarren kontra jokatuko dute aurreneko finalerdia. Eta bigarren eta hirugarren multzoko irabazleek, gauza bera egingo dute. Final haundia uztailaren 28an jokatuko da, eta onenak, Banakako Txapelketa haundia jokatzea irabaziko du. Partidu guztiak Galarretan jokatuko dira.
Aizpurua IIa aurrera, aurreneko partidua irabazita
Txapelketa haundiaren Prebia joan den larunbatean hasi zen, Aizpurua II eta Oñatzen arteko partiduarekin. Partidu ederra izan zen, emozioz betea eta parekatua. Batek irabazi behar ordea, eta kasu honetan, tolosarra, Aizpurua IIa, hobea izan zen. 28-28 berdintzera iritsi ziren, baina azken bi tantuek ihes egin zioten Oñatzi. Larunbateko partiduan, hirugarren multzoko erremontistek hartu zuten parte. Aizpuruk irabazita, Oñatz kanporatu zuen, eta Ionen kontra neurtuko ditu indarrak, ekainaren 23an. Partidu honetako irabazleak, Agirrezabala izango du zain. Etxeberria IV eta Olazar, gaur Larunbatean hasitako txapelketak gaur izango du jarraipena. Bigarren multzoko lehenengo partidua jokatuko dute Etxeberria IV eta Olazarrek Galarretan, 16:00etan hasiko den jaildian. Irabazleak, Uterga izango du zain.
Endika eta Agirresarobe, larunbatean
Aurreneko multzoko kanporaketa berriz, larunbatean hasiko da. Endika eta Agirresarobe izango dira zein baino zein Galarretan, eta irabazleak, Juaristiren kontra jokatuko du.
Barrenetxeak, partidu bat gehigo gainditzeko
Hirugarren multzoak bezala, laugarrenak ere, kanporaketa bat gehiago izango du; eta hau tokatu zaio Endika Barrenetxea hernaniarrari. Aipatu bezala, hilaren 21an jokatuko du aurreneko kanporaketa Etxabe IIaren kontra. Irabazleak, Matxin IIIaren kontra neurtuko ditu indarrak. Eta partidu honetan nagusitzen denak, Urtasunen kontra jokatuko du, finalerdietarako pasea.