Ikasturtea behar bezala agurtzeko, Biteriko ikastaroetan eta tailerretan ikasitakoa erakusteko momentua iritsi da. Hori horrela, gaur 20:00etatik aurrera, dantza ezberdinen emanaldia eskainiko dute: dantza latinoaz, funkyaz, tangoaz... gozatzeko aukera izango da.
Ostiralean, berriz, antzerkia eta dantza garaikidea eskainiko dituzte 19:30etatik aurrera.
Tailerretako erakusketa, datorren astera arte
Biterin tailer ezberdinak izan dira ikasturte honetan eta bertako lanak erakusgai jarri dituzte: argazkiak, eskulanak, zeramika... Ekainaren 20ra arte izango dira ikusgai 18:00etatik 20:00etara.
Denera 150 ikasle inguruk hartu dute parte aurtengo ikasturtean, urritik ekainera. Irakasleak, berriz, 7 izan dira: Nagore Legarreta (argazkilaritza), Oihana Insaus-ti (eskulanak), Gema Duran (zeramika), Peio Goello (pintura), Patxi Monreal eta Gotzon Huegun (egur taila) eta Merce Martinez (bitxigintza).