Jokin Lizeaga eta Eva Pelaez izan dira aurtengo txapeldunak

Amaierara arte eutsi zion eguraldiak. Zerua lainotuta egon arren, ateri egon zen, lasterketaren amaierara arte. Hala ere, giro sargoria zego­en atzokoan, eta korrikalari bat baino gehiago zen kexu.
200 bat korrikalarik ema­na zuten izena, baina azke­ne­an, 180 inguruk hartu zuten parte.
Lasterketari ekin baino lehen, orain gutxi istripuz hildako Txema Rivasi ome­nal­di txiki bat egin zioten, lore-sorta eskainiz eta minu­tu bateko ixiltasuna eginez. Izan ere, lasterketan izena emana zuen.

Lizeaga eta Pelaez aurrena
Mutilen artean azkarrena, Jokin Lizeaga urnietarra izan zen berriro, lehengo urteko denbora hobetuta: 00:57:03. Nesketan berriz, Eva Pelaez andoaindarrak irabazi zuen, iaz 2garren egindakoak hain zuzen, 01:14:52ko denbora­rekin.
Mutiletan 2garren Ruben Lanz legazpiarrak egin zuen, eta 3garren, Iker Oliveri hondarribiarrak. Nesketan 2ga­rren Irene Almandoz berarra iritsi zen, eta 3garren, Ainhoa Jauregi urnietarra.

Ereñotzuar azkarrena
Ereñotzuarren artean, Gaiz­ka Sarasola iritsi zen aurrena, sailkapen orokorrean 6ga­rren eginda.
Neskarik berriz, ez zen animatu Ereñotzun.

Hernaniarrak ere korrika
Mutiletan, Mikel Artola izan zen helmugara iristen lehen hernaniarra, 01:11:06ko den­bo­rarekin, Gaizka Sarasolaren atze­tik iritsi zen. Ondoren, Joxe Ramon eta Cristobal Her­nan­dez, Felipe Agirrezabala, Anjel Zubia­rrain eta Iñaki Gorro­txategi iritsi ziren.
Nesken artean, Izaskun Txintxurreta izan zen lehen hernaniarra, 01:35:39 eginda.

Sari bereziak
Lasterketa amaitutakoan sari banaketa egin zen, eta irabazleei emandakoez gain, sari berezi batzuk ere banatu ziren.
Iñaki Peñagarikanori be­te­ra­noe­naren saria eman zioten, 64 urte baititu.
Bestalde, Julian Colladok ere errekonozimendua jaso zuen, azkena izan arren, hel­mugaraino eutsi baitzion.
Lasterketako argazkiak ikusteko, webgune honetan sartu www.kronika.net.