Hernani Musika Eskolako ikasleak hainbat kontzertu ematen ari dira azken egunotan, ikasturtean zehar ikasitakoa erakusteko. Gaurkoan, bi abesbatza entzuteko aukera izango da, 19:00etatik aurrera, Milagrosan. Gazteen korua arituko da lehenengo, eta helduena, gero.
Bakarka, hasieran; elkarrekin, amaitzeko
Kontzertua abesbatza gazteenak hasiko du. Hauek, zazpi abesti kantatuko dituzte: Kantuz, Spring, You Rise Me Up, S’kuru Ito, Andre Maddalen, Hine Ma Tov, eta Berriz San Juan. Pianoaren eta perkusioaren laguntza ere izango dute, musika eskolako beste ikasle batzuen eskutik. Besteak beste, Erik Martin, Olaia Garro, Maddi Lopez, Leire Ormazabal, Ana Martinez eta Ainhoa Sudupe izango dira pianoa jotzen, eta Eneko Garcia eta Peru Garcia, perkusioarekin.
Ondoren, bigarren abesbatzak kantatuko du. Hauek ere, beste zazpi abesti interpretatuko dituzte: Akaihana, Amazing Grace, Feel Good, Usaiak, Alfonsina y el mar, One fine day, eta Ken, ken, ken akerra. Bi bakarlari entzuteko aukera ere izango da: Vinaixa Gartzia eta Ane Galardi. Pianoarekin laguntzen berriz, Leire Villaverde, Miren Zubillaga eta Ana Martínez izango dituzte.
Bukatzeko, elkarrekin
Kontzertuari amaiera emateko, bi taldeek elkarrekin abestuko dituzte Dodi Li eta Lurra kantuak.
Kasu honetan ere, soinu-tresnen laguntza izango dute: akordeoiarekin, Miren Galdeano, Ane Macicior, Uxue Lopez eta Maria Ruiz, eta trikitixarekin, Uxue Bereziartua eta Irati Ormazabal. Konzertua emango duten guztiak dira, musika eskolako ikasleak.