Goizeko 10:30etan hasiko da gaur, Elizatxo ikastetxeko festa. Musika irakasleen zuzendaritzapean, ikasleek beren emanaldia egingo dute. The Beatles musika talde ingelesaren 50. urteurrena dela eta, gai horren inguruko ikuskizuna prestatu dute.
Ondoren, euskal dantza saioa izango da, 4, 5, eta 6garren mailako ikasleek dantzatuta. Eguerdiko 12:00etan berriz, pailazoak izango dira.
Jarraian, bazkaria egingo da, eta arratsaldean ere, izango da zerekin gozatu.
Bigarren Hezkuntzako ikasleek hainbat gauza antolatu dituzte: jolasak, toka eta bote txapelketa, puzgarriak, futbolina eta DJa.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!