Igandera arte, nahikoa gozatzeko aukera dago Atsegindegin.
Hainbat motatako garagardoak eta denetariko jakiak daude aukeran, IX. Garagardo Azokan.
Atzo ireki zen azoka, eta Errugbiko klubeko ezkutuko teknikoak omendu ziren.
Igandean, bazkari berezia
Klubeko jokalari ohiak, egungo jokalariak, gurasoak, zaletuak eta lagunak; denak gerturatu daitezke igandean egingo den bazkari berezira.
Tiketak lehenbailehen erosteko eskatu dute antolatzaileek, gauzak ondo antolatu ahal izateko. 15 euroan erosi daitezke, Azokan.
13:00etan elkartuko dira igandean, bazkaltzeko. Hala ere, laguntzera joan nahi dutenak pozik hartuko dituztela adierazi dute. Hauek, 10:30etan elkartuko dira. Guztien artean, Ohorezko Mailara igo izana ospatuko dute.