Venezuelako Barquisimeta herrian, Lara eskualdean, jokatzen den XV. Txapelketa Iberoamerikarrean parte hartzen ari da, gaurtik igandera, Maitane Iruretagoyena atleta hernaniarra. Absoluto mailako Espainiako selekzioarekin jokatuko du, lehenengo aldiz, eta bi proba egingo ditu: 100 metro eta 4x100 metro errelebotan.
24 herrialdetako 420 atleta
Espainiako selekzioarekin, 16 atletak hartuko dute parte asteburu honetako probetan: 7 gizon eta 9 emakumek. Horien artean, Maitane Iruretagoyena hernaniarrak. Guztira ordea, 24 herrialdetako 420 atleta inguruk hartuko dute parte.
Atleta horietako batzuk, dagoeneko Londreseko Olinpiadetan jokatzeko pasea lortua dute jada.
Probak gaur hasiko dira, eta bihar eta etzi ere, lasterketa gehiago izango dira. Pistan nahiz zelaiean jokatuko dira probak.
Hobetzeko grina
Iruretagoyenaren asmoa, bere markak hobetzea eta dominak lortzea izango da. Astelehenean itzuliko dira.