Dantzan agurtu zituzten beste behin festak Osiñagan

umore ona izaten da festen oinarrietako bat, eta Osiña­gako auzotarrek erakutsi dute ez dutela falta. Bazkari eder baten bueltan elkartu zi­ren Arriatsuko eskolan, eta ostean etorri zen showa. Joxe Mari eta Arantxak 25 urte betetzen dituzte ezkonduta, eta auzotarrek omenaldia an­tolatu zieten. Meza eta guzti izan zuten, bigarren ezkon­tza hori konpletoa izan zedin. Bertsoak ere, bota zizkieten Telleria eta Peña­garikanok. Momentu hunkigarriak alde batera utzi, eta omenaldiaren ostean abere deman el­kartu ziren osiñagatarrak. Atzo­koan Paollaren zaldia izan zen abilena, 69 plaza emanda; Azko­nobietarenak 66,5 eman zituen. Festei agur, Xafreren abestiak dantzatuz esan zieten. Orain iritsi zaie deskantsurako garaia, datorren urterako geroz eta gutxiago falta da eta!