Hernanik Euskal Ligan jokatuko du atzo play offa irabazita

kadetetan maila gorenean jokatuko du Hernanik datorren denboraldian. Euskal Ligarako play offa jokatu eta irabazi zuen atzo Zubipen, formatu triangularrean. Bizkaiako arerioa Amorebieta izan zuen, eta Arabakoa, Laudio. Kanporaketako aurreneko partidua Amorebietak eta Laudiok jokatu zuten, eta 0-0 berdindu zuten. Bigarren neurketa Hernani eta Amorebietaren artekoa izan zen, eta etxekoek 1-0 irabazi zuten, lan erdiak eginez. Azken partiduan, Laudioren aurkakoan, berdinketa nahikoa zuen Hernanik. 0-0 bukatu zen partidua, eta txuri berdeek eskuratu zuten igoera.