Hogeita zortzi sagardotegik hartu zuten parte Gipuzkoa Foru Aldundiak antolatzen duen Sagardo Lehiaketan, eta bost onenak pasa dira finalera. Gaur jokatuko da final hori, Donostiako Euskal Gastronomiaren kofradian, eta hernaniarrek protagonismo berezia izango dute, bost sagardotegi finalistetatik bi, hernaniarrak baitira: Itsasburu eta Altzueta. Hauek Irungo Ola, Astigarragako Gartziategi eta Usurbilgo Urdaira izango dituzte aurkari.