langile ikastolak ikasturte bukaerako festa egingo du gaur, egun osoan zehar. Goizeko 10:00etan dute eguneko aurreneko ekitaldia: Kantuz Musika Eskolaren gidaritzapean, Laubidietako 4garren mailako ikasleen emanaldia izango da; eta ondoren, Punkik hasiera emango dio aurtengo festa egunari. Egun osorako indarrak berreskuratzeko asmoarekin, hamaiketakoa egingo dute goizeko 11:30etan, Elizatxon. Sagardoa eta ura izango dira aukeran, eta jokoak antolatu dituzte haur, irakasle eta gurasoentzat. Goizeko saioaren ostean, bazkaltzera elkartuko dira guztiak Atsegindegin, 14:00etan. Arratsaldeko festa saioa 15:00etan hasiko da: play back emanaldia izango da, guraso eta irakasleen eskutik. Azkenik, eta eguna bukatu aurretik, dantzarako une aproposa antolatu dute Modestoren musikarekin, Atsegindegin bertan. Horrez gain, joku, tailer eta gaztelu puzgarria izango dira. Eguna bukatzeko, Punki Laubidietara itzuliko da.