Urumeako jaitsiera, giza katea eta kalejira gaur, Abiadura Haundiko Trenaren kontra

Osiñagan hasi dira Abia­dura Haundiko Trenaren obrak, Hernani eta Asti­ga­rraga lotuko dituen zatikoak. AHTren aurka, eta proiektua bertan behera uzteko es­katuta, hainbat mobilizizazio antolatu dituzte gaur Her­naniko AHTren aurkako tal­deak eta AHT Gelditu! Elkarlanak.

Ekintzak, egun osoan
AHTren aurka protesta egin nahi dutenek, ekintza ez­ber­dinetan parte hartzeko au­ke­ra izango dute egun osoan. Goizeko 11:00etan, Uru­mea­ko jaitsiera antolatu du­te. Ereñotzuko futbol zelaitik abiatuko dira Urumean ba­rre­­na, eta Landaren bukatuko dute. Flotatzen duen edo­zerk balioko du jaitsiera egiteko, eta antolatzaileek dei egin diete herritarrei par­te har­tzeko: boltsak, flota­doreak, piraguak... hartu, eta AHT­ren aurka jaitsiera egiteko. Jaitsierari babesa ema­teko, 15:30etatik aurrera el­ka­rretaratzea egingo dute Ibaiertzean. Horiez gain, obrek kaltetutako inguruetan ba­rrena, giza-katea egingo du­te arratsaldeko 17:00etan. Elorrabitik aterako dira eta giza-katea Karabelgo zubian bukatuko da

«Atxikimendu asko»
AHT Gelditu! Elkarlanak Kro­nikara bidalitako pren­tsa oharrean jakinarazi due­nez, asko dira gaurko mobilizazioei atxikimendua eman dieten talde edo eragi­leak: «AHT geldiaraz­teko mobilizazioei atxiki­men­dua eman diete, besteak beste Ezker Aber­tzaleak, Arala­rrek, Alternatibak, Ezker Ani­tzak, Ezkerretik Bilduz-ek, EHNE, LAB, CGT, ESK, HIRU eta STEE-EILAS sindi­katuek, Osiñagako Auzo Elkarteak, Martuteneko Sor­gina Elkarteak eta Jai Ba­tzordeak, Superportuaren aurkako taldeak...».