Ibai Alba hernaniarra bigarren, Goizuetan

Goizuetako krosaren antolatzaileek zuten helburua ondo bete zen joan den asteburuan; krosa berreskuratzeaz gain, kirolaren bueltan jendea biltzea lortu zuten eta hare gehiago, jendeak parte hartzea. Helduen lasterketan 66 pertsonek hartu zuten parte, eta gizonezkoetan aurrenekoa Unai Señoran irurarra izan zen; bigarren Ibai Alba hernaniarra 2 segundura; eta hirugarren Tolosako Iker Pagola. Emakumezkoetan, Ana Gonzalez errenteriarrak irabazi zuen; bigarren Maite Ares izan zen eta hirugarren Burlatako Maite Orofino.