ohitura onak ez direla galdu behar eta, urterokoari euste aldera, mendi martxa antolatu dute Goizuetara Txinparta koadrilako kideek; aurtengoa 38garren edizioa da. Larunbatean joango dira, ekainaren 2an. Hitzordua goizeko 07:00etan egin dute Plaza Berrin. Azketako iturrian gosalduko dute, eta Errekalko Mahairubaratza ikusiaz iritsiko dira Goizuetara. Buelta autobusean egingo dute, Txantxangorrira. Bertan bazkaltzera elkartu, eta Sagardo Txapelketa egingo dute; aurtengoa 25garren edizioa izango da. Bakoitzak bi botila eraman behar ditu, nahi duen sagardotegikoak. Saribanaketa bazkalostean egingo dute, bertsoek lagunduta.
Izena eman behar da
Parte hartu nahi dutenek Txinparta taldeko kideren bati abisatu beharko diete. Izena emateko azken eguna osteguna da.