Horbel Taberna igo da Euskal Ligara

urte osoko lan eta konstan­tziak eman du fruitua. Gi­puzkoako Lehenengo mailako txa­pelduna da larunbatetik Horbel taberna. Eta hori bakarrik ez, Oiartzuni irabazi eta ma­ilaz igo dira; datorren denboraldian Eus­kal Ligan neurtuko dituzte indarrak.

Hasiera, ezin hobea
Hasieratik aurreratu zen Hor­bel Taberna Errenterian, Oiar­tzunen kontra. Bigarren minutura iritsi aurretik sartu zuten 0-1ekoa, eta horrek konfiantza eman zien. Julen Giraldo en­trenatzaileak azaldu duenez, ondo jokatu zuten lehenengo zati bukaerara arte: «0-1e­koa berehala sartu genuen, eta hortik aurrera ondo jokatu genuen, kontraeraso onak sortuta. Espero ez genuen gola iritsi zen ordea. Lehenengo za­tia bukatzeko 3 segundu falta zirenean enpatearen gola satu zuen Oiartzunek eta animikoki, kolpe gogora izan zen»

4 minuturen faltan, 2-3koa
Futbol ederra erakutsi zuen Oiartzunek bigarren zatian. Her­naniarrak berriz, lekua ezin topatu ibili ziren, eta jo­kaldi txar baten ostean, Oiar­tzuenek 2-1ekoa sartu zuen. Giraldok dioen moduan, taldeak ez zuen amore eman, eta partiduari buelta emateko asmoarekin jokatu zuten falta ziren minutuak: «13 minutu falta ziren partidua bukatzeko, eta golak esnatu egin gintuen. Handik minutu batera eskura izan genuen enpatea, baina postea jo zuen. Estutzen jarraitu ge­nuen, eta 6 minuturen faltan iri­tsi zen berdinketaren gola». Minutu gutxi falta ziren neurketa bukatzeko, baina Hor­bel tabernak egina zuen zai­lena, hau da, partidua berdintzea eta jokoa hobetzea. En­patearen ostean hutsartea es­katu zuen Giraldo entrenai­tzaileak. Partiduari aurre nola egin azaldu, eta taldekideak ani­matu ostean, azken minutuak jokatzeari ekin zioten hernaniarrek. 4 minutu falta ziren neurketa bukatzeko, eta Hor­bel Taberna kontraerasoan ate­ra zen, baloia lapurtuta. Joka­laria bakarrik geratu zen Oiar­tzungo atezainaren aurrean, zein baino zein, eta ez zuen hu­tsik egin, 2-3koa sartu eta aurretik jarri ziren markagailuan.

Azken minutuetan, eustea helburua
Urduritasuna na­­gusi izan zen partiduko az­ken minutuetan. 3 eta erdi besterik ez ziren falta bukatzeko, eta Horbel Taber­nak eutsi beste eginbeharrik ez zuen irabazteko. Oiartzunek portero-jokalaria atera zuen zelaira, eta zuen dena eman zuen berdinketaren gola lor­tzeko. Ondo eutsi zieten ordea hernaniarrek, eta partiduko azken aukera ere, ondo geratu zuen Giraldo atezainak.

Zoramena, partidu ostean
Asko izan ziren Errenteriara Hor­bel Taberna ikustera ger­tu­ratu ziren zaletuak, eta go­gotik ospatu zuten garaipena jokalariekin batera: «zoramena izan zen partidu ostean bizitutakoa. Irabaztea lortu genuen, eta horrek zekarren guztia ere bai. Gipuzkoako txapeldunak gi­nen eta Euskal Ligarako pasea lortu genuen. Taldetik eskerrak eman nahi dizkiegu urte osoan animoak eman dizkiguten zale guztiei, baina bereziki, larunbatean Errente­riara gerturatu zirenei. Eske­rrik asko».