Berriak Hernaniko merkatari eta ostalarien elkarteak Bezeroaren Astea antolatu du gaurtik larunbatera bitarte. Aurtengoarekin hirugarren urtea da antolatzen duela eta helburua da herriko merkataritza indartu eta dinamizatzea.
Aste honetan zehar, leialtasuna eskertuko zaie bezeroei eta Berriakeko establezimenduetara gerturatzen direnei piruletak oparituko zaizkie. Horrez gain, rist eta rast kanpainan parte hartuko dute eta honi esker, ehundaka sari irabazi ahal izango dituzte.
Astea borobiltzeko, urtero bezala, Haragi Festa izango da. Hain zuzen, larunbatean izango da Plazan, 18:00etatik aurrera. Bertan, sari bat zozketatuko da: Kantabrian asteburu pasa. Zozketan parte hartuko dute Bezeroaren Astean zehar Berriakeko establezimenduetan erosten dutenek.
Lehiakortasuna hobetzeko, bi tailer, dendari guztiei zuzenduta
Merkatariei zuzenduta bi tailer ere antolatu dituzte lehiakortasuna hobetzeko. Asteazkenean eta ostegunean izango dira 14:30etatik 16:00etara, Biterin. Antolatzaileek azaldu dutenez, bi tailerrak dohainik dira eta merkatari guztiak gerturatu daitezke, Berriakeko kide direnak eta ez direnak.