Uterga eta Ion txapeldun, partidua iraulita

Uterga eta Ion 21-7 atzetik izan ziren, baina parti­dua­ren norabidea goitik behera aldatu eta 39-40 nagusitu zi­tzaizkien Oñatz eta San Mi­gueli atzo, Udaberriko Torneo­ko finalean. Hala, eurak dira 2012ko txapeldun berriak. Txapeldunak 0-1 aurretik ha­si zuten partidua, baina az­ken tantora arte ez zuten lortu berriz aurretik jartzea. Emozi­oz betetako finala izan zen. Tan­to­rik onenak 33-32tik aurre­ra­ko­ak izan ziren. Bizi jo­katu zuten. 34na berdindu zu­ten, 35na, 36na eta 37na. 39-37 aurreratu ziren berriz gorri­ak, baina txa­peldunek hiru tanto jarraian egin eta garaipena lortu zuten.