Giza eskubideak errespetatzeko eta presoak Euskal Herriratzeko eskatu zuten atzo

«Ondo iritsi gara. Kontuz ibili bueltan. Lasai etorri. Erne eguraldiarekin. Muxu bat gure partez. Zer moduz aurkitu du­zue? Antzeko sms-ak eta te­le­fono deiak gurutzatuko di­ra asteburu honetan ere, eta sa­ka­­bana­ke­taren anker­ke­riari ke­mentsu eta irri­ba­rrez aurre egiten saiatuko gara, askotan erra­­za ez izan arren». Hilabe­teko azken os­tiralero bezala, kontzen­tra­­zioa deitu zuen atzo He­rrira Mugimenduak pre­so eta ihes­larien eskubi­de­en alde eta lehenik eta behin, os­ti­ralero bezala espe­txeeta­ra­ko bidaiari ekin zio­ten ehun­daka senide eta la­gun izan zi­tuzten gogoan. Espe­txe politi­ka honekin eta sa­ka­bana­ke­tarekin bukatzeko beha­rra ere azpimarratu zu­ten.
Dena dela, atzoko aldarri­ka­pen nagusia, giza eskubi­deen errespetua izan zen. «Gai­xoak askatzea, bizi oso­rako espetxe zigorra amaitzea eta presoak Euskal Herrira ekartzea eskatzen dugu. On­do­ren, bake eta konponbide egoeran sakontzeko beha­rrez­koa izango da giltzapean edo ihesean dauden herrita­rren egoerari konponbide ego­­­ki bat ematea», azaldu zuten.
Horretarako, kalera atera­tzeak duen garrantzia nabar­men­du zuten: «Askok egin du­gu bat presoen eskubi­de­en aldeko mezuarekin, baina babes hau zabaltzea eta ka­le­an erakustea beharrezkoa izan­go da agintariek jarrera aldatzeko».

Argazkia eta Lip Duba
Hilabete honetan urteak bete dituzten bost preso herna­nia­rrentzako argazkia ere atera zuten elizako eskaile­retan eta ondoren, larunba­tean grabatutako Lip Duba ikusteko aukera izan zen.