Gazta zati bat dokumentala ikusteko aukera izango da ostiraletik igandera bitarte, Biterin. Dokumentala, Nazioen Mundua Gipuzkoako Goierriko herri ekimenak ekoiztu du, erabakitze eskubidearen alde, eta Jon Maia bertsolariak zuzendu du.
Ostiralean 22:30etan izango da ikusgai; larunbatean, 19:30etan eta 22:30etan; eta igandean, 19:30etan.
Sinopsia: Munduan bere gaztagatik ezaguna den Euskal Herriko herri txiki batean abiatzen da istorio hau. Herritar xume batzuk, Europako indarkeriazko azken gatazka politikoaren zauri eta banaketa guztien gainetik misio haundi bati ekingo diote: munduan zer izan erabaki ahal izatea...
Dokumentalean azaltzen dira, besteak beste, Rufi Etxeberria, Juan Jose Ibarretxe, Brian Currin...