Gazte Festak antolatu dira aste honetarako Urnietan. Gaur bertan hasi, eta igandera arte, milaka ekintzaz gozatzeko aukera izango da.
Era berean, festak luzatzeko asmoz, datorren astean ere, hilak 30ean, Pirritx, Porrotx eta Marimotots pailazoak izango dira (sarrerak salgai, Hernaniko Ametsa ileapaindegian), eta ekainaren 2an, Poxta Zahar elkartearen eskutik, paella prestaketa eta bazkaria izango dira.
Denen gustura
Gaurtik ostiralera bitartean, gaztetxoentzako milaka ekintza izango dira: herri-kirolak, tailerrak, ipuin-kontaketak, pailazoak...
Jaiei hasiera ofiziala ordea, ostiralean emango zaie. Herri-kirol ginkana eta, afaria egingo dira. Larunbatean ere, herri bazkaria egingo da. Tiketak, 23a baino lehen erosi behar dira.