Aste osoan hainbat ekitaldi egin ondoren, atzokoa izan zen Elkartasun Eguna.
Goizean goiz, hernaniar ugarik hartu zuen parte herri krossean. Ondoren, jende asko aritu zen kantuan eta dantzan, Lip Dubean. Bi aldiz egin zen. Emaitza ikusteko ordea, San Joanak arte itxaron behar da.
Eguraldi txarrak, bazkaria, enkantea eta haur jolasak Atsegindegin egitera behartu zuen. Dena dela, giro ona izan zen nagusi. Eguna kontzertuekin amaitu zen, gaztetxean.
Lanean jarraitu
Antolatzaileek eskerrak eman zizkieten gerturatutakoei, eta gogorarazi zuten lanean jarraitu behar dela: «senideek 3 milioi km eta 120.000 euro behar dituztelako urtero presoak bisitatzeko, eta lanean segiz gero, lortuko dugulako, presoen eskubideak errespetatzea».