Urtarriletik hona bost kontzertu izan dira, Hernani’n Musik ekimeneko negu-udaberriko zikloaren barruan. Emanaldi guztiek «harrera polita izan dutela» azpimarratu dute antolatzaileek, eta datorren denboraldirako kontzertu gehiago prestatuko dituzte.
Eskerrak
Hernaniko Udaleko Kultur Arloak eta Hernani Musika Eskola Publikoak antolatu dute Hernani’n Musik zikloa. Antolatzaileek eskerrak eman nahi izan dizkie ziklo osoan barrena lagun izan direnei. Hala nola, «Kutxari, musiko eta artistei, hauekin batean lanean aritu diren teknikariei eta aurkezleari, Hernaniko parrokiari, eta bereziki, musikaz gozatzera animatu diren herritar guztiei».
Udazkenean, itzulera
Zikloaren hurrengo denboraldia udazkenean izango da. Ordurako ere, hainbat kontzertu prestatuko dituzte antolatzaileek, eta ekimenaren filosofiari jarraituz, herriko musikari gazteak ere bultzako dituzte. Aurten, Jon Ansorena txistularia edota Aritz Ostolaza saxofoi-jolea entzun ahal izan ditugu, besteak beste.