Lehengo astean Oreretako Langile Langabetuen Biltzarreko kideak izan ziren Hernanin. Herriz herri antolatzeko asmoa erakutsi zuten, eta Hernanin hasi da talde bat mugitzen. Atzo hernaniarrak bildu ziren Tilosetan. Herriko langile langabetuak elkartu eta talde bat osatzeko asmoa erakutsi zuten, «bizi dugun krisi ekonomiko honi aurre egin eta lana eta lan baldintza egokiak eskatzeko, presioa egiteko». Datorren astelehenean Biterin elkartuko dira, arratsaldeko 19:00etan. Taldea egituratzen hasi eta helburuak finkatzen hastea da asmoa. Hernaniar guztiei bileran parte hartzeko dei egin diete.
Helburuak finkatu
Bileraren asmoa da taldea bera egituratzea eta herrian ezagutaraztea.
Horretarako, bileran bakoitzak ideiaren bat edo langabetu gisa egin beharreko eskakizunen bat aurkezteko eskaera egin dute. Horrela, taldea sortu, finkatu eta eskakizunak zehaztuko dituzte.