Euskadiko Lanbide Heziketako 120 ikasle ari dira lehiatzen joan den asteartetik Irungo Ficoban, Eusko Skill lehiaketan. Lanbide Heziketako Olinpiadak izenez da ezaguna lehiaketa, eta Hernaniko Karmelo Labakako ikasleak bertan dira, hutsik egin gabe. Lehiaketan 18 espezialitatetan hartu daiteke parte, eta guztiak daude ondorengo modalitateen barruan: Eraikuntza eta instalazioak, Fabrikazioaren Teknologia; Giza Zerbitzuak eta Pertsonala; Garraioa eta Logistika; eta Informazioa eta Komunikazio teknolgiak.
Hernaniko ikasleak,
bi espezialitatetan
Karmelo Labako ikasleak Mekatronika eta Diseinu Mekanikoa-CAD espezialitateetan ari dira lehiatzen; biak Fabrikazioaren Tekonologiaren barruan.
Espezialitate bakoitzeko irabazleek Euskal Autonomi Erkidegoa ordezkatuko dute Espainian izango den Spain Skill 2012 lehiaketan. Eta bertako onenak ordezkaritza izango du mundu mailako lehiaketan; 2013ko uztailean izango da, Alemanian.
Helburu pedagogikoa
duen lehiaketa
Lehiketa bat bada ere, Eusko Skillek baditu beste helburu batzuk. Batetik, helburu pedagogikoa du, hau da, ikasleak motibatu egiten dira bizitzen duten esperientziarekin; eta bestetik, gerturatzen diren bisitariek aukera paregabea dute Lanbide Heziketak eskaintzen dituen modalitateak ezagutzeko.