Saxofoi eta klarinete doinuak gaur Biterin, bi kontzertutan

haizezko instrumentuen doinuak atsegin dituztenek, hitzordu paregabea dute gaur Biterin. Saxofoia lehendabizi, eta klarinetea ondoren, kon­tzertu bana eskainiko dituzte Aritz Ostolaza hernaniarrak eta Urval Ensemble taldeak. Emanaldia arratsaldeko 20:00­e­tan hasiko da, eta sa­rrerak Biterin daude, debalde. Aritz Ostolazak Herna­niko Musika Eskolan hasi zituen saxofoi ikasketak, eta aurten bukatu ditu erdi mailako ikasketak Donos­tiako Francis­co Escudero kontserbatorioan. Urval Ensemble taldea berriz, Jasone Etxebeste, Mikel Emezabal, Carlos Casado eta Marixi Sesma klarinete joleek osatzen dute. Gaurkoan Aita Donostia, Johannes Brahms, Astor Piazzola eta Patrick Hiketick maisuen doinuak ekarriko dituzte gogora.