Nazioarteko adituek Hernaniko Atez Atekoa goraipatu zuten

Itialia, Estatu Batuak, Ka­ta­lunia eta Indiako honda­kine­tan adituak izan ziren atzo Her­nanin, Europa Zero Za­bor mu­gimenduarekin ba­te­ra, Atez Atekoa bisitatzen. Eu­ropa mailako Kon­gresua izan­go da gaur eta bi­har Donos­tian, Zero Waste Eu­rope izene­koa, eta aldez aurretik, Hernani eta Usurbil he­rriak bisitatu nahi izan zituzten, hon­dakin sistemak nola funtzionatzen duen ikusteko.

Ongi etorria Udalean
Paul Connett estatubatuarra, En­zo Favoino italiarra eta Joan Marc Simon katalu­nia­rra izan ziren, besteak beste, Hernani bisitatu zuten per­tsona aipa­garriak. Luis In­txaus­pek egin zien on­gie­t­o­rria, Udaleko zi­ne­gotzi eta tek­­nikariak lagun zituela; eta Hernanin Zero Zaborreko kideak ere, bertan izan ziren. Alkateak go­goratu zien, aste ho­netan bi urte bete direla Hernanin hon­dakinak Atez Ate biltzen di­re­la, eta prozesu ho­nen ha­sie­ran, horietako a­s­ko parte izan zirela: «gu­re­tzako erre­ferente izan zineten, eta zuek trans­mititutakoa eta era­ku­tsitakoa garrantzitsua izan zen». 

Egun, sistema erabat egon­kortua eta asentatua da­goela azaldu zien, eta horri esker, Hernanin hondakinen %80a bir­ziklatzen dela azpi­marratu zuen: «oso pozik gaude he­rri­tar guztiok egiten dugun esfor­tzua­rekin. Gaine­ra, Hernani­ren eta Atez Atekoa duten bes­te herrien esfortzua eredu da Gipuz­koan, egun izaten ari den Zero Zabor politika eta gai­kako bilketa martxan jart­zeko». 

Intxauspek esker hitzak ere izan zituen bertaratutako guztientzat. «oso motibaga­rria da zuen bisita». Herria era­­kutsi aurretik, joan den ur­teko Europa Zero Za­bo­rreko kon­gresuan izandako anek­dota bat kontatu zuen: «Hitzaldi bat eman nuen ber­tan, eta Hernaniko zin­tzili­ka­rioen be­rri eman nue­nean, Paul Co­nne­tt liluratuta gera­tu zen, interes haundia era­kutsi zuen. Azkenean iritsi da ezagutzeko eguna».

Kaxkoko sistema ezagutu zuten, lehendabizi
Tilosetako pelotalekuan egin zuten aurreneko geldialdia. Ber­tan azaldu zien In­txaus­pek, Kaxkoa gune berezia de­la hondakinak biltzerako ga­raian, eta horregatik, zintzi­likario sistema ezberdinak dau­dela bertan. Gogorarazi zuen, sis­te­ma martxan jarri zenean aukera ezberdinak bi­latu zire­la, bizilagunei ego­kitzeko: «ko­mu­nitarioa, portal barru­koa, zintzilikario arruntak... Au­kera diferen­teak bilatu ziren, bizilagunei ondo egokitzeko. Zintzilikario hauek eta guztiek dute iden­ti­fikazio zenbaki bat, bizi­lagun bakoitzak jakin dezan bere kuboa non jarri». 

Intxausperen azalpenen ostean, bisitariek galderak egiteko aukera izan zuten: Nola jasotzen dituzte hon­dakinak? Zenbat egu­netan? Gaizki ateratzen du­tenekin zer gertatzen da?... Alkateak guztiak erantzun zituen, eta erantzun horietako batzuk hauek izan ziren: «Pelotaleku atze honetako hondakinak bil­tzeko, langileak kubo haundi batekin etortzen dira honaino. Hondakinak horra ustu, eta hortik kamioira eramaten di­tuz­te. Gaizki egiten dutenei, abisatu egiten zaie. Aurreran­tzean arazoa kon­pon­tzen ez bada, espedientea irekitzen zaie, eta kasurik okerrenean, isuna jartzen zaie, 150 euro ingurukoa»

Paul Connett: «Beste inon ez dut parekorik ikusi»
Paul Connett kaliforniarrak ilusio berezia zuen zintzili­ka­rioen sistema ikusteko, eta pelotaleku atzetik atera ze­nean ondorengo hitzak esan zituen: «soluzio oso elegantea eta krea­tiboa iruditu zait. Zalantzarik gabe, eredu izan beharko luke honek. Mun­duan, beste inon ez dut ikusi parekorik». Garest­ia­goa edo merkeagoa den gal­detu ziotenean, Connettek erant­zun zuen: «Inzineradora askoz garestiagoa da, tekno­logia aldetik konplexuagoa... eta osasuna kontuan izango bagenu, zer esanik ez. Atez Atekoarekin gainera, jasotzen dena berrerabili egiten da, birziklatu».

Kaleko zakarrontziak, portal barruko zintzilikarioak...
Pelotaleku atzeko azalpenak en­tzunda, herrian barrena ibili ziren bisitariak, Alkateak gi­da­tuta. Izpizua kaleko zin­tzili­ka­rio arruntak ikusi zi­tuz­­ten le­hen­dabizi, eta Kar­da­­be­raz ka­lean, portal baten ba­rruan dauden zintzi­lika­rioak ondo­ren. Tartean, ka­lean ze­har dau­den edu­kion­tziak ere erakutsi ziz­kie­ten, eta ibil­bidea Txan­txi­llan bu­ka­tu zu­ten. Bertan, erai­kin berrietan legea nola apli­katzen den era­kutsi zien Alka­­teak, eta etxe­bizitza berriek zu­ten hond­akin gela ikusi zuten.

Kongresua, gaur eta bihar
Europa Zero Zaborreko kon­gresua gaur eta bihar izango da. Gaur goiz eta arratsalde izango dira hitzaldi eta eki­taldi guztiak; eta bihar, goi­zean. Guztiak, Aieteko Jauregian.