Hernaniko animaliak, landareak... hau da, biodibertsitatea nola zaindu ari dira lantzen herriko Lehen Hezkuntzako ikasleak. Naturaren egoera aztertu dute lehendabizi, bakoitzak bere ikastolan, eta atzo, guztiak elkartu ziren, ideiak komunean jarri, eta testu bateratu bat egiteko. Elizatxo, Inmakulada, Langile, Txirrita eta Urumeako ikasleak elkartu ziren Biterin, goizean goiz. Hiru taldetan banatu, eta txostena egiteko lanari ekin zioten. Hartutako erabakiak ikusgai egongo dira Biterin, maiatzaren 28tik aurrera; eta ekainaren 6an aurkeztuko dute udalbatzan, testu bateratua.