Haize instrumentuak izango dira protagonista Hernani´n Musikeko azkeneko kontzertuan. Lehendabizi, Aritz Ostolaza saxofoi-jole hernaniarra entzuteko aukera izango da; eta errematea, Urval Ensemble laukoteak emango dio, klarinete doinuak zabalduz. Kontzertuek negu-udaberriko zikloa itxiko dute. Ohi bezala Biterin izango dira, bihar, arratsaldeko 20:00etan.
Aritz Ostolaza, aski ezaguna
Hernanin Aritz Ostolaza hernaniar gaztearena izango da eguneko aurreneko emanaldia. Hernani Musika Eskolan hasi zituen saxofoi ikasketak eta Donostiako Francisco Escudero kontserbatorioan bukatu ditu aurten erdi mailako ikasketak. Herrian ezaguna da, Hernasax eta Hernaniko Bandako kide baita.
Lau klarinete-jole, ondoren
Urval Ensemble taldearena izango da eguneko emanaldi nagusia. Jasone Etxebeste, Mikel Emezabal, Carlos Casado eta Marixi Sesmak osatzen dute taldea, eta guztiak dira klarinete-joleak. Aita Donostia, Johannes Brahms, Astor Piazzola eta Patrick Hiketick maisuak izango dira bihar, euren inspirazioa.