euskadiko eta Nafarroako autonomietan lege aldaketak izan dira Gizarte Zerbitzuetako materian, eta horren harira, hainbat proposamen egin ditu Euskal Herriko SOS Arrazakeria elkarteak. Hernaniko AMHERek proposamen horiek gerturatu nahi dizkie herritarrei, eta horren inguruko prentsa oharra bidali du Kronikara. lege berriak besteak beste, RIS (Renta de inclusion social) eta RGI (Rrenta de garantia de ingresos) prestazioetatik kanpo uzten ditu etorkinak. oharrean azaldu dutenez, helburua da salaketatik haratago iristea, eta Euskadiko eta Nafarroako gobernuei eskatzea etorkinek dituzten eskubideak babestekeo, batez ere, irregularrak diren etorkinenak. Hori horrela, lau proposamen egiten dituzte. Aurreneko biak, Gizarte Zerbitzuen inguruan:«1. Nafarroako administrazioari eskatzen diogu RISa nafar guztien eskura jartzea, baita irregularki dauden etorkinen eskura ere. 2. Euskadiko administrazioari eskatzen diogu batetik, RGIa ez erlazionatzeko lanpostua izateko aukerarekin; eta bestetik, Euskadin erroldatua egon behar den denbora gutxitzeko». Osasun arloko errekorteei dagokienean, egiten dituzten bi proposamenak dira: «1. Nafaroako administrazioak behar diren neurriak har ditzala etorkin irregularrek osasun zerbitzua izan dezaten. 2. Euskadiko administrazioari osasun zerbitzua berma dezala 26 urtetik gorakoentzat, eta adinekoei lagun dizieietela medikamenduak ordaitzen».