Hondakinak, mugikortasuna, ura... gai asko landu dituzte orain arte, Hernaniko Lehen Hezkuntzako ikasleek. Aurtengoan, Biodibertsitatea jorratzen ari dira, eta asteazkenean, ondorio orokorrak biltzeko elkartuko dira, Udalera jo aurretik.
Urte osoko lana
Elizatxo, Inmaculada, Langile, Txirrita eta Urumea ikastetxeetako ikasleek urte osoa daramate biodibertsitatearen inguruko hainbat ekintza lantzen. Batzuk ikastetxe barruan aritu dira, ikasleen jokaera eta ikastetxeko funtzionamendua aztertu dituzte. Beste batzuk, herria hobeto ezagutu dute.
Erakusketa
eta aurkezpena
Foroan sortutako lana erakusgai izango da Biterin, maiatzaren 28tik ekainaren 1era. Ekainaren 6an udalbiltzan aurkeztuko dute ikasle guztiek elkarrekin sortutako txosten bateratua; aurkezpena ikasleen ordezkariek egingo dute.
Honekin, hainbat hobekuntza proposatu eta beren konpromisoa azalduko dute ikasleek.