Ereñotzuko Ur Mia elkarteak 50 urte bete zituen urtarrilaren 12an eta bitarte honetan, urteurrena ospatzeko, hainbat ekintza antolatu dituzten arren, gaur dute egun potoloa. Goizean mendi irteera antolatu dute Agiñara. Goizeko 10:00etan abiatuko dira. Ondoren, herri bazkaria egingo dute eta bazkaldu aurretik, Mus Txapelketako sariak banatuko dituzte. Bazkaria 14:00etan izango da (txartelak aurretik erosi behar ziren) eta bazkalostean, bertsolariak eta bertso musikatuak izango dira.
Elkarteari buruzko liburuxka
Ur Mia elkartearen historia biltzen duen liburuxka bat argitaratu dute eta gaur banatuko dituzte elkartean eta auzoan.