apirilean egunero euria egin duenaren sentsazioa dute askok, eta ez dabiltza oso urruti. Hilak dituen 30 egunetatik 28tan egin du euria Gipuzkoan. Euskadiko Metereologi Agentzitik azaldu dutenez, historian ez da inoiz apirilik izan, hainbeste egunetan euria egin duenik. Dituzten datuen arabera, orain arte egun gehienetan euria egin zuen apirila 1930ekoa izan zen.
Ez da izan ur gehien
bota duen apirila
Kantitateari dagokionean, pasa berri den apirila ez da euritsuena izan. Añarbek emandako datuen arabera, apirilean 250 litro bota ditu metro karratuko. Datu horiek kontuan izanda, aurtengo apirila 11garren postuan dago, 1971etik ona hartutako datuak kontuan izanda.
Añarbetik azaldu dutenez, apirilean, bataz beste, 198 litro jasotzen dira metro karratuko; beraz, aurten %26,5 gehiago bota du.
Urtegiaren egoerari dagokionean, orain %95,3raino dago beteta. Orain urtebeteko datuekin alderatuz gero, urtegia %90,3 zegoen beteta. Bi datu horiek guztiz normalak direla azaldu dute urtegitik, eta azpimarratu dute, urte sasoi honetan, bataz beste, %87,8 inguruan izaten dela.
Maiatza eta ekaina, beroak
Euskalmetek egindako iragarpenaren arabera, maiatza eta ekainean beroa egingo du. Hori horrela, egunaren azken orduetan ekaitzak dexentetan joko duela azaldu dute.
APIRILA EURITSUENEN RANKINGA
Postua Urtea (l-m2)
1 1990 453
2 1994 418
3 1979 393
4 1986 361
5 2009 343
6 1978 305
7 1976 299
8 1972 276
9 1989 267
10 2005 259
11 2012 250