Hernaniko 84 neska-mutilek jasoko dute bigarren sakramentua, maiatzean. Komunioak izango dira Hernanin asteburu honetan eta datorrenean, eta aurten aldaketa bat izango da: igandean ordez, ume gehienek larunbatean egingo dute jaunartzea.
San Joan Bataiatzailea parrokian, gaur
Komunio gehienak gaur izango dira, San Joan Bataiatzailea parrokian. Neska-mutil guztiek aukeratu dezakete gertuen sentitzen duten parrokia, eta gehienen elekzioa izaten da San Joan Bataiatzailea.
Aurreneko jaunartzeak eguerdiko 12:00etan izango dira, eta bertan, 53 neska-mutilek jasoko dute bigarren sakramentua. Arratsaldean 19:00etan izango dira komunioak, eta kasu honetan, 6k egingo dute.
Floridan eta Ereñotzun, datorren astean
Florida eta Ereñotzuko elizetan, datorren asteburuan izango dira jaunartzeak. Floridako San Jose Langilea elizan larunbatean izango dira, eguerdiko 12:00etan, eta bertan, 20 neska-mutilek egingo dute.
Ereñotzuko San Antonio elizan berriz, igandean egingo dute jaunartzea bertako bost gaztek. Kasu honetan goizeko 10:00etan izango da.