Hernani Musika Eskola publikoko saxofoi taldeak bere eguna ospatuko du gaur, lehenengo aldiz. Hernaniko kaleak girotzeko asmoarekin kalera aterako dira taldeki-deak. Lau laukotetan banatuta aterako dira. Laukote horiek Kaxkoko puntu ezberdinetatik abiatuko dira arratsaldeko 19:00etan, beraien emanaldiak eskainiz, eta 20:00ak inguruan Karkabako plazatxoan elkartuko dira emanaldi bateratu batekin bukatzeko. Honako kantak entzuteko aukera izango da, besteak beste: La vita e bella, West side story, Gabriel’s oboe, American patrol, In the mood, Round midnight, All the things you are, Libertango, Sevilla, St. Louis blues, Peter gunn theme...
13 urteko ibilbidea
Saxofoi taldea, hau da, Hernasax taldeak hamahiru urte daramazki udal musikategian saxofoiarekin jo daitezkeen estilo guztiak lantzen.