Asteazkeneko batzarraren ostean, osteguneko greba deialdia mantentzea erabaki zuten Urnietako eta Irungo IAT-ITVko langileek. 2011ko abenduko 31n amaitu zen lan baldintzen inguruko akordioa ez berritzea leporatzen diote TUV RHEHINLAND, IAT-ITVn enpresari.
Luzerako, orain ere
Urnieta eta Irungo IAT-ITVetako enpresa komiteak urrian aurkeztu zuen plataforma, abenduan amaituko zen akordioa enpresarekin berritzeko, langileek adostutako gaiak kontuan hartuta.
Plataformaren asmoa zen aurreko akordioaren berritzearekin gertatutakoa ez errepikatzea. Izan ere, 6 hilabeteko grebaren ondoren, 2010eko ekainera arte itxaron behar izan zuten azkenean, akordioa berritzeko.
Komiteak salatzen du enpresak ez dituela aurreko akordioetan adostutako baldintzak errespetatzen. Tamalez, egoerak luze joko duela uste dute.