Bultza, lortu arte

«sinesten badugu, lortuko dugu», zioen Patric Po­lidori entrenatzaileak aurtengo aurreneko Play Offa jokatu zutenean. Orduko hi­tzek inoiz baino indar gehiago dute orain. Hernanik ez zuen igoera aurreneko kanporaketan lortu, baina partiduz partidu erakutsi du ez direla izan Cisneros, Bera Bera eta Alconbedas baino gutxiago. Zaila izan arren, igoeran sinesten dute, eta asmo horrekin aterako dira Ma­drilen, igoera eskuratzera.

Igotzeko, hiru aukera
Las Terrazas zelaia izango da hernaniarren azken geltokia aurtengo Play Offean. Par­tidua bihar jokatuko da, 12:30etan, eta 80 minuturen buruan erabakiko da zein izango den Ohorezko Mailako taldea datorren urtean. Herna­nik ba­du alde txiki bat, puntu batekoa. Honi esker, ez galtzea na­hikoa izango da bihar. Her­­na­nik irabazi edo berdinduko balu, igo egingo li­tzateke Oho­rezko Mailara. Baita ere, Hernani igoko li­tza­teke Al­cobendasek puntu bateko aldearekin irabaziko balu, eta azken emai­tza 19-18 baino txikiagoa izango balitz.

Aurreneko zatia, klabea
Hernani bigarren zatian hobeto aritu da azken bost partiduetan, eta be­raz, klabea izango da aurreneko zatian Al­c­o­ben­da­sek alde haundia ez atera­tzea. Hernanik aurreneko 40 minutuetan partiduari eusten badio, hortxe-hortxe izango du kanporaketa.
Alcobendasek talde gogorra du, batez ere aurreko lerroetan; hutsunea berriz, atzean duela esan leike. Ho­rretaz baliatzen saiatu zen Her­nani joaneko partiduan Lan­daren, eta lortu zutela esan daiteke. Bederatzi atze­rri­­tar ditu Alcobendasek, argentinarrak, brasildarrak eta errumaniarrak, eta horien artean, 9 zen­bakidu­na da, aldea markatzen duena. Aurrelari oso gogorra da, hutsuneak bilatzen di­tuen horietakoa, eta hori gelditzea izango da hernaniarren helburuetako bat bi­harko partiduan.

Bi autobus, Madrilera
Zaletuen bultzada ez du faltako bihar Her­nanik Las Te­rra­zas zelaian. Bi autobus aterako dira Madrileruntz, eta hitzordua goizeko 06:00etan egin dute Atsegindegin. Oraindik izena eman nahi duenak, gaur iluntzera arte izango du aukera (autobusa bete arte). Horretarako ondorengo telefonora deitu: 687 939 636.

Igoera, luzea
Hernanik den­­­­bo­raldi honetako aukera guztiak xahutuko di­tu bihar igoera lortzeko bidean. Au­rreneko Play Offa, bi parti­du­tara jokatu zuen, eta hura galduta, beste lau jokatu be­har izan dituzte. Hau izango du­te seigarrena, azkena, Oho­rez­­ko Mai­­­­­­lara eramango di­e­­­­na.

Hernani igoko litzateke:
* Partidua irabazita
* Partidua berdinduta
* Alcobendasek puntu bateko aldearekin irabazita, baina 19-18 baino emaitza txikiagoarekin