Erakusketa, hitzaldia eta erromeria, Dantzari Festako azken astean

aste osoan zehar izango dira Dantzari Festari lotutako ekintzak Hernanin. Gaur­tik ostiralera euskal jantzien erakusketa jarriko dute Biterin; aurten, 16ga­rren mendeko euskal jantziena. Asteazke­nean baserritarren janzkerari buruz hitz egingo du Ramon Garciak, Biterin baita ere. Eta azkenik, larunbatean, erromeria izango da herriko kaleetan barrena, Alkarkide taldeak antolatuta. Horiek dira aste honetarako antolatutako ekintzak. Baina Dantzari Festako egun haundiak pasa berri den asteburukoak izan dira. Larun­batean txikiak aritu ziren dantzan. Eta atzo, Euskal He­rri osotik etorritako 13 dantza taldek girotu zuten herria. Auzoz auzo ibili ziren lehendabizi, eta eguerdi partean Ikurriñaren dantza egin zu­ten guztiek elkarrekin, Plazan.