Alcobendasi justu-justu irabazita, Hernanik dena eman beharko du asteburuan

zerotik hasi beharko du Hernanik asteburuan play offa. Madrilen jokatuko du bueltako partidua, puntu bateko aldearekin. Atzo neur­tu zituen indarrak aurreneko aldiz Alconbe­dasen kontra, eta 19-18 irabazi zuten.

Bigarren zati hasieran, erreakzioa
Gorabehera askoko partidua izan zen. Madrildarrek in­darra, kasta eta ofizioa dutela erakutsi zuten, eta bigarren minuturako aurreratu ziren markagailuan. Ondo aztertua zuten Hernaniren kontra nola jokatu, eta argi utzi zuten zelaiean. Atsedenaldira, 6-11 galtzen joan zen Hernani,  Genuak sartutako bi zigor kolpeekin
Bigarren zatia oso bestelakoa izan zen. Hernani beste erritmo batekin atera zen, eta hasi eta berehala Genuak en­tsegua egin eta gauzatu zuen; 12-11 aurreratu zen Hernani. Partidu erdialdera etorri zen trikoloreen bigarren entsegua; Otaño Igoak egin zuen eta Ge­nuak gauzatu, 19-11. Espe­rantzarako alde horrek gutxi iraun zion Hernaniri. Partidua bukatzeko 20 minutu falta zirela entsegua egin eta gauzatu zuen Alconbedasek eta puntu bakar batera jarri ziren, 19-18.
Handik aurrera, ez zen par­tidurik egon, madrildarrek geratu egin baitzuten. Hor­taz, play offa erabat irekia dago, eta Madrilen irabazten duen taldeak jokatuko du da­to­rren urtean Ohorezko Mailan.

Jubenilak bikain, Estatuko ligan
Jubenilek 8-8 berdindu zuten atzo Alcobendasen kontra. Ma­drildarrak ziren faborito, baina hernanirrek kasta erakutsi, eta berdintzea lortu zu­ten. Datorren asteburuan An­dalu­ziako txapeldunaren kontra jokatuko dute, Sevillan.