EUSKERAZKO literatura sustatzeko asmoarekin, solasaldi literarioak antolatu dituzte Hernaniko Gazte Asanbaldak eta Dobera Euskara Elkarteak elkarlanean. Hitzak eta pizzak izena du egitasmoak eta helburua da, pizza batzuen laguntzarekin, kolesterol altuko tertulia entretenigarriak egitea. Solasaldia Kontrakantaxan izango da, hilaren 27an, arratsaldeko 20:30etan.
Txillardegiren nobelarekin, aurreneko tertulia
Txillardegiren Leturiaren egunkari ezkutua liburuaren inguruan ariko dira. Batetik, euskal nobelagintzan liburu honek izan duen eragina aztertuko dute, eta bestetik, euskal egileak euskal kulturan utzi duen aztarnari buruz ariko dira. Hori horrela, gonbidabena luzatu diete liburuari buruz eztabaidatu eta zerbait esateko duen guztiari.