Hernaniko lau abesbatza bakarrik eta elkarrekin entzuteko aukera izango da, ostiralean. Axeri taldeak Koru Eguna antolatu du Hernaniko Udalaren babesarekin, eta kontzertua Atsegindegin izango da, 19:30etan.
Hiruzpalau abesti, banaka
Koru bakoitzak banaka abestuko du lehendabizi. Goiz Eguzkiko Abesbatza izango da aurrenekoa, Txakolin, Baile de gaitas, Trapu zaharrak eta Boga boga abesten. Kantuzen txanda izango da ondoren; hauek hiru abesti eskainiko dituzte: Arrosa lore lore, Iru Txito eta Sorgin dantza. Segidan, Musika Eskolako abesbatzaren txanda izango da, Baratze bat, Lurra eta Aberriaren mugak abestiekin. Eta azkenik, banaka, Ozenkik kantatuko ditu Lore bat zauri bat, Haritz adarrean eta Segalariak.
Hiru abesti, elkarrekin
Banakakoak bukatuta, elkarrekin abestuko dute lau abesbatzek. Hala, ondorengo hiru abestiak kantatuta agurtuko dute emanaldia: Signum, Euskalerriko eta Illunabarra.