organo belaunaldi berriaren punta-puntako erakuslea da Ana Belen Garcia andoaindarra, eta ostiralean, Hernanin entzuteko aukera izango da. Hernani´n Musik ekimenaren barruan, organo kontzertua antolatu dute, San Joan Bataiatzailea parrokian. Akustika aldetik, Hernanin ez da leku hoberik, beraz, kontzertu benetan berezi eta ikusgarria izatea espero dute antolatzaileek. Arratsaldeko 19:30etan hasiko da, eta sarrera debalde da.
Europan barrena ikasitakoa
Ikasketak Donostiako Kontserbatorioan burutu zituen lehendabizi: piano eta klabeko goi mailakoak batetik, eta Estaban Elizondorekin erdi mailako organo ikasketak. Organoko goi maila berriz, Musikenen egin zuen, Esteban Landart irakaslearekin. Ikasketa hauek eginda, Europan barrena ibili da Ana Belen Garcia zenbait maisurekin ikasten. Eta kontzertuak ere, eman izan ditu; antolatzaileek diotenez, hainbat kontzertu ziklotan arrakasta haundia izana da. Gaur egun organista lanetan aritzen da Andoaingo Tourseko San Martin elizan eta Donostiako Koruko Andre Mariren Basilikan.
Maiatzaren 11n, azken kontzertua
Aritz Ostolaza saxofoijolea eta Urval Ensemblek eskainiko dute Hernani´n Musik ekimenaren barruan, udaberriko azkeneko kontzertua. Biterin izango da, doan, 20:00etan.