Olinpiadak larunbatean hasiko dira. Egunari buruzko informazioaren berri emateko eta hurrengo jokoak azaltzeko batzar orokorra deitu dute gaur. Batzarra arratsaldeko 19:30etan izango da Kontrakantxa gaztetxean. Horrez gain, antolatzaileek gogorarazi dute talde bakoitzak errifen dirua eraman behar duela batzarrera.
Sukaldaritza lehiaketa, haurrentzako jokoak, kontzertuak...
Larunbatean egun osoko festa izango da. Goizean hasiko dira platerak prestatzen, haurrentzako jokoak ere izango dira, aurkezpena, aulki jokoa, kontzertuak...
EGITARAUA:
09:00etan, taldeak Tilosetan bildu. Platera prestatzeko
osagaiak hartu.
10:30etan, hasiera ofiziala.
11:00etan, haurrentzako jokoak Tilosetan (eguraldi txarrarekin, gaztetxean).
11:00etan, prentsaurrekoa Tilosetan (eguraldi txarrarekin Atsegindegin).
13:00etarako, jakiak prest.
Ondoren, bazkaldu.
15:30etan, taldeen aurkezpena, muralean taldeko marrazkia gehitu eta eguneko sailkapenaren berri eman.
17:00etan, aulki jokoa Plazan.
Ondoren, txaranga herrian barrena.
20:30ak inguruan, ekitaldiari amaiera, antortxa piztearekin.
22:00etan, kontzertuak Tilosetan: Xutik, Luz de putas eta Ze esatek!