Taldekako Txapelketa, bikotekakoa eta Lehendakari Saria; horiek jokatu dira eta orain, Gipuzkoako Kopa hasiko da. Igandean izango da lehenengo tiraldia Usurbilen eta Hernaniko bolariak prest daude kopa irabazteko.
Orain arteko txapelketetan bezala, Hernaniko hiru elkarteren izenean hartuko dute parte: Elur Txori, CD Hernani eta Ur Mia.
Gipuzkoako Kopa, denboraldiko txapelketa nagusienetakoa da eta apirila eta maiatzean zehar jokatuko da. Honako bolatokietan jokatuko da: Usurbil, Mutiloa, Urnieta, Legazpi eta Hernaniko Florida auzoan.
Hiru txapelketa gehiago
Denboraldia bukatzeko, beste hiru txapelketa jokatuko dira: Gipuzkoakoa, Gabirian; Emakumeena, Zerainen; eta Euskal Herrikoa, Bizkaian. Tiraldi bakarrekoak izango dira.