urteetan atzera eginez gero, Tiloseta Hernaniko dantzaleku gisa gogoratzen dute askok. Ehundaka lagun elkartzen ziren astebururo bertan, dantza egin, lagunekin ondo pasa eta jende berria ezagutzera.
Hernaniko giro hori berreskuratzeko asmoarekin, erromeria antolatzen dute hilabetero San Joan Konpartsako kideek. Larunbatekoa hirugarrena izango da eta hitzordua, betiko orduan egin dute: 18:30etatik 20:30etara.
Geroz eta arrakasta haundiagoa
Partehartzaile kopuruak nabarmen egin zuen gora aurreneko erromeriatik bigarrenera, eta antolatzaileek joera horri eutsi nahi diote. Beraz, herritar guztiak animatu dituzte larunbatean, arratsaldea festa giroan pasatzera.