Garaipena eta enpatea Gipuzkoak, bizkaitarren aurka

Gravn Torneoko 4garren jardunaldian Gipuzkoa eta Bizkaia aritu dira lehian. Emakumezkoen paletan Gi­puzkoak lortu du garaipena, 5-1, eta eskuz, berdinketa egon da, seira. Zazpi hernaniar aritu dira Gipuzkoa ordezkatzen, lau emakumezko eta hiru gizonezko.

Hernaniarrak indartsu, paletan
Erraz irabazi du Gipuzkoak paletan, 5 eta 1. Gipuzkoa ordezkatzen duten sei emakumezkoen artean, lau hernaniarrak izan dira, eta lan fina egin dute.
Jubeniletan, frontoian, Ama­ia Irazustabarrenak eta Senperenak (‘Intxurre’ klubeko pelotaria) lortu zuten ga­raipena, 30-7. Frontoian sub 22, Eli Gutierrezek, ‘Orio’ klubeko Indo pelotariarekin jo­ka­tu zuen, eta 30-25 irabazi zieten bizkaitarrei. Trin­kete jubeniletan berriz, bi her­naniar batera aritu ziren: Mai­der Huizi eta Ariane Arrie­ta. 30-21 jarri zuten mar­kagailua, Gipuz­koaren alde.

Eskuz, berdinketa
Mutilak ez ziren hain fin ibili eskuz, baina seira berdintzea lortu zuten. Frontoian, sub 22, Ioritz Arrietak, ‘Aurrera Saiaz’ klubeko Arratibelekin batera jokatu zuen, eta 22-13 irabazi zuten. Trinkete jubeniletan berriz, galdu egin zuten gipuzkoarrek. Aritz Murgiondo hernaniarrak, ‘Oiarpe’ klubeko Ugalde­rekin osatu zuen bi­kotea, eta 40-16 galdu zuten. Trinkete seniorretan ere, biz­kaitarrek lortu zuten garaipena. Unai Alvarez her­na­niarrak, ‘Usur­bil’ klubeko Landare­kin osatu zuen bikotea, eta 40-14 galdu zu­ten.